BALAOD UG KAMATOURAN
Ni:
Atty. Ver Quimco
CALL FOR JUSTICE: GIKAN SA MINDANAW NGADTO KALIBOTAN
Ni:
Atty. Ver Quimco
CALL FOR JUSTICE: GIKAN SA MINDANAW NGADTO KALIBOTAN
Ang atong pasalamat kang Kagawad Roger Lasco sa iyang kasibot sa pagkat-on sa mga pagtulon-an sa balaod nga gipaningkamotan natong masabwag ngadto sa tanan. Agig tubag sa iyang pangutana ang presyo sa Libro nga Balaod ug ang Yanong Lungsoranon tag P300.00 matag kopya alang sa mga pumpalit sa mga dapit halayo sa buhatan sa Call for Justice sama sa barangay ni Kagawad Lasco. Kini dala na sa galastohan sa pagpadala niini ngadto sa inyong panimalay. Kining maong basahon maoy kabag-uhan sa orihinal nga legal information manual nga atong gisulat mga siyam na ka tuig kanhi, ug pagkakaron gidugang dinhi ang halos tanang mga bag-ong balaod nga naglambigit sa inadlaw-adlaw natong kinabuhi nga gihubad sa atong pinulongan ug gipasabot pag-ayo aron matugkad bisan sa labing yanong natong mga kaigsoonan.
GIkahimuot diay nato ang pagpahibalo nga niadtong imaging semana ang tulumanon sa radio nga legal information madungog na usab sa estasyon DXCO gikan alas 6:45 hangtod alas 7:00 sa buntag. Ang DXCO mao ang ikalima nga estasyon dinhi sa Mindanao nga nagsibya sa radio version sa Legal Information nga gidumala ning inyong alagad. Gikan sa orihinal nga pagsibya niini sa estasyon DXIC RMN Iligan mga dose na ka tuig kanhi, hangtod sa estasyon DXLs sa mao gihapong syudad, ingon man sa estasyon DXDD sa Ozamiz City, ug sa estasyon DXKV sa Pagadian City. Pagkakaron nadugangan na ang katawhan sa Mindanaw ug bisan pa sa kabisay-an nga makapatalinghug adlaw adlaw sa legal information. Ang atong pasalamat sa tag-iya ug tigdumala ning maong mga estasyon sa radio sa pagsagop ug pagdawat sa Legal Information sa ilang sibyahanan bisan pa man nga ang CALL FOR JUTICE wala gayoy ikabayad sa naandang airtime. Usa kini ka dako kaayong butang alang sa katawhan sa Mindanaw nga makaangkon na ug kahigayonan matag buntag nga masayod sa mga batakang lagda sa balaod nga nagdumala sa ilang kinabuhi.
Ug kining maong lindog dinhi sa Bisaya nahimo usab nga nag-unang kahimanan sa Call for Justice aron mapalapad ang programa niini sa pagedukar sa katawhan pinaagi sa balaod. Kini gidasonan usab sa mga local nga mga pamantalaan sama sa Panguil Bay Monitor ug Malindang Herald nga nagpatik usab sa mga binisayang lindog sa balaod nga gipublikar sa Call for Justice.
Ang pag-abag niining maong mga institusyon sa medya nakapadasig sa mga lumilihok sa Call for Justice nga pakusgan pa ang pagpaningkamot alang sa pagpalig-on sa kahimatngon sa katawhan sa balaod aron mahimo silang buhing mga kahimanan sa hustisya sa ilang banay ug mga komunidad. Niinin bulana ipublikar sa Call for Justice ang labing ulahing libro niini sa pinulongang iningles ug Binisaya. Ang basahon na giulohan ug “Everyone’s Guide to the small claims procedure” ug ang binisayang hubad niini nga giulohan “ Dali ang Hustisya sa-Small Claims Procedure.” Kining maong mga basahon giatangan dili lamang sa mga tinun-an sa balaod ug abogado dinhi, kundili labaw pa sa daghang mga lungsoranon nga gustong manginlabot diha sa pagpatuman sa maong bag-ong pamaagi sa husay diin wala nay abogadohay ug ang mga lungsoranon na mismo ang mobarog alang sa ilang mga kaso didto sa hukmanan. Mahinangpon usab kaayo nga nagtukaw ang mga lumilihok sa Call for Justice aron mahingpit na gayod ang publikasyon ning maong mga basahon.
Dungan niini naningkamot usab ang Call for Justice sa pagamit bisan sa labing ulahing teknolohiya sa electronic media aron na man lang madungog sa tanang dapit sa kalibotan. Ang website nga www.tawaghustisya.com nga mao ang official website ning maong grupo giduaw sa mga bisitang webusers dinhi sa Pilipinas ug nagkalainlaing mga nasod sa kalibotan ug gituhoan nga daghan kanila mga Pilipino ug mga bisaya. Kining atong lindog mabasa sulod sa maong website uban sa daghan pang makapasibot nga isyu sa balaod ug hustisya . Ning panahon nga halos wala nay gintang sa dapit ug panahon nga makababag sa komunikasyon sa tawo palaran kaayo ning atong grupo nga nakabaton ning maong kahimanan. Ug ang atong pasalamat kang Kagawad Sol Erwin Diaz sa iyang makugihong pagdumala ning atong website. Si Kagawad Diaz dili lamang kagawad sa Palao, Iligan City, ug magsisibya sa radio, usa usab siya ka batid sa information technology gani siya adunay Webhosting business nga gitawag ug Iligan Webhosting and Software Development Center.
Kining maong mga kalihokan gidugangan sa lig-on ug linawas nga pakiglambigit ning maong grupo sa mga sector sa katawhan. Niadtong imaging pipila ka bulan malamposong gibansay sa Call for Justice ang mga opisyal ug lumilihok sa barangay sa tanang mga barangay sa maigo, Lanao del Norte uban sa kagamhanan sa maong munisipyo na nakigtimbayayong sa maong tumong. Niadtong imaging sabado pa lang gilusad usab dinhi sa Iligan ang usa ka proyekto tali sa Call for Justice ug Lokal nga Kagamhanan sa Iligan aron bansayon ug tabangan ang mga kapitan, mga membro sa Lupong Tagapamayapa, ingon man ang mga lider sa mga sona ug purok aron mahimong mga tigpataliwala o mediators sa mga kaso sa ilang dapit aron sa sayo pa lang nga higayon samtang dili pa sila mahinayak sa gasto, langan, ug masalaypon nga husay sa hukmanan.
Ang kompositor ug mag-aawit nga Mr. Cesar Padilla kinsa mao karn atong program director mao ang makiglambigit ug mosanong sa mga susamang mga hangyo ug imbitasyon sa ubang mga dapit nga gustong mopahimulos sa barangay empowerment program sa Call for Justice. Mahimo siyang makontak diha mismo sa buhatan sa Call for Justice. Mahimo siyang makontak sa 06322254638-kundili man gani sa 0632219773.
Sa pagtukod ning maong grupo niadtong Pebrero 8,2005 siyam lang ka mga nagpakabanang mga lungsoranon ang nagsugod paglusad ning maong kalihokan. Lima ka mga abogado nga mao sila si Atty. Demosthenes Plando, Atty ug karon Judge Aldohne Umpa, Atty. Leo Zaragoza, Atty. Romero Pacilan ug kining inyong alagad, usa ka CPA nga ang kanhi Ludabi National President nga si Roy Trinidad, ang Civic Leader nga si Betsy Uy Tamula, ang Peasant Leader nga si Edna Yorong, ug ang kompositor nga si Cesar Padilla. Pagkakaron bisan walay pundo nga nakuha gikan sa bisan asang institusyon sa gawas sa nasod, kaluoy sa Ginoo, nagpadayon ug midaghan na ang mga kasingkasing nga natukbil sa mensahe sa hustisya nga padayong gipaningkamotana pagsabwag sa Call for Justice matag adlaw. Diha sa pagtuo nga ang tinuod nga hustisya naa magsugod sa tagsatagsa nato ka kasingkasing. Nga ang tinuod nga hustisya magsugod diha sa igong kahimatngon sa atong mga katungod ug katungdanan sa balaod nga maoy maghatag nato ug igong katakos sa pagbarog ning maong mga katungod, paghimo sa atong mga katungdanan ingon man sa pagtahod ug pagpanalipod sa katungod sa uban.
Sa maong paagi nga kamo sa Call for Justice nagtuo nga mahimong mas maanindot nga puy-an ang atong kalibotan.
Tubag: Kini gituyo sa tumong nga dili malangan ug makomplikar ang husay sa kaso. Ang small claims man god nga naglambigit sa mga kaso sa balayronon nga dili molapas ug usa ka gatos ka libo ka peso kinahanglang humanon dayon, ug tungod niini kinahanglang yano ug dali ang paagi sa husay. Ang pagsulod sa mga abogado lagmit makalangan tungod kay diha na man magsugod ang panagdebate bisan sa gagmayng mga isyu sa kaso nga dili na gyod unta angay lalisan.
GIkahimuot diay nato ang pagpahibalo nga niadtong imaging semana ang tulumanon sa radio nga legal information madungog na usab sa estasyon DXCO gikan alas 6:45 hangtod alas 7:00 sa buntag. Ang DXCO mao ang ikalima nga estasyon dinhi sa Mindanao nga nagsibya sa radio version sa Legal Information nga gidumala ning inyong alagad. Gikan sa orihinal nga pagsibya niini sa estasyon DXIC RMN Iligan mga dose na ka tuig kanhi, hangtod sa estasyon DXLs sa mao gihapong syudad, ingon man sa estasyon DXDD sa Ozamiz City, ug sa estasyon DXKV sa Pagadian City. Pagkakaron nadugangan na ang katawhan sa Mindanaw ug bisan pa sa kabisay-an nga makapatalinghug adlaw adlaw sa legal information. Ang atong pasalamat sa tag-iya ug tigdumala ning maong mga estasyon sa radio sa pagsagop ug pagdawat sa Legal Information sa ilang sibyahanan bisan pa man nga ang CALL FOR JUTICE wala gayoy ikabayad sa naandang airtime. Usa kini ka dako kaayong butang alang sa katawhan sa Mindanaw nga makaangkon na ug kahigayonan matag buntag nga masayod sa mga batakang lagda sa balaod nga nagdumala sa ilang kinabuhi.
Ug kining maong lindog dinhi sa Bisaya nahimo usab nga nag-unang kahimanan sa Call for Justice aron mapalapad ang programa niini sa pagedukar sa katawhan pinaagi sa balaod. Kini gidasonan usab sa mga local nga mga pamantalaan sama sa Panguil Bay Monitor ug Malindang Herald nga nagpatik usab sa mga binisayang lindog sa balaod nga gipublikar sa Call for Justice.
Ang pag-abag niining maong mga institusyon sa medya nakapadasig sa mga lumilihok sa Call for Justice nga pakusgan pa ang pagpaningkamot alang sa pagpalig-on sa kahimatngon sa katawhan sa balaod aron mahimo silang buhing mga kahimanan sa hustisya sa ilang banay ug mga komunidad. Niinin bulana ipublikar sa Call for Justice ang labing ulahing libro niini sa pinulongang iningles ug Binisaya. Ang basahon na giulohan ug “Everyone’s Guide to the small claims procedure” ug ang binisayang hubad niini nga giulohan “ Dali ang Hustisya sa-Small Claims Procedure.” Kining maong mga basahon giatangan dili lamang sa mga tinun-an sa balaod ug abogado dinhi, kundili labaw pa sa daghang mga lungsoranon nga gustong manginlabot diha sa pagpatuman sa maong bag-ong pamaagi sa husay diin wala nay abogadohay ug ang mga lungsoranon na mismo ang mobarog alang sa ilang mga kaso didto sa hukmanan. Mahinangpon usab kaayo nga nagtukaw ang mga lumilihok sa Call for Justice aron mahingpit na gayod ang publikasyon ning maong mga basahon.
Dungan niini naningkamot usab ang Call for Justice sa pagamit bisan sa labing ulahing teknolohiya sa electronic media aron na man lang madungog sa tanang dapit sa kalibotan. Ang website nga www.tawaghustisya.com nga mao ang official website ning maong grupo giduaw sa mga bisitang webusers dinhi sa Pilipinas ug nagkalainlaing mga nasod sa kalibotan ug gituhoan nga daghan kanila mga Pilipino ug mga bisaya. Kining atong lindog mabasa sulod sa maong website uban sa daghan pang makapasibot nga isyu sa balaod ug hustisya . Ning panahon nga halos wala nay gintang sa dapit ug panahon nga makababag sa komunikasyon sa tawo palaran kaayo ning atong grupo nga nakabaton ning maong kahimanan. Ug ang atong pasalamat kang Kagawad Sol Erwin Diaz sa iyang makugihong pagdumala ning atong website. Si Kagawad Diaz dili lamang kagawad sa Palao, Iligan City, ug magsisibya sa radio, usa usab siya ka batid sa information technology gani siya adunay Webhosting business nga gitawag ug Iligan Webhosting and Software Development Center.
Kining maong mga kalihokan gidugangan sa lig-on ug linawas nga pakiglambigit ning maong grupo sa mga sector sa katawhan. Niadtong imaging pipila ka bulan malamposong gibansay sa Call for Justice ang mga opisyal ug lumilihok sa barangay sa tanang mga barangay sa maigo, Lanao del Norte uban sa kagamhanan sa maong munisipyo na nakigtimbayayong sa maong tumong. Niadtong imaging sabado pa lang gilusad usab dinhi sa Iligan ang usa ka proyekto tali sa Call for Justice ug Lokal nga Kagamhanan sa Iligan aron bansayon ug tabangan ang mga kapitan, mga membro sa Lupong Tagapamayapa, ingon man ang mga lider sa mga sona ug purok aron mahimong mga tigpataliwala o mediators sa mga kaso sa ilang dapit aron sa sayo pa lang nga higayon samtang dili pa sila mahinayak sa gasto, langan, ug masalaypon nga husay sa hukmanan.
Ang kompositor ug mag-aawit nga Mr. Cesar Padilla kinsa mao karn atong program director mao ang makiglambigit ug mosanong sa mga susamang mga hangyo ug imbitasyon sa ubang mga dapit nga gustong mopahimulos sa barangay empowerment program sa Call for Justice. Mahimo siyang makontak diha mismo sa buhatan sa Call for Justice. Mahimo siyang makontak sa 06322254638-kundili man gani sa 0632219773.
Sa pagtukod ning maong grupo niadtong Pebrero 8,2005 siyam lang ka mga nagpakabanang mga lungsoranon ang nagsugod paglusad ning maong kalihokan. Lima ka mga abogado nga mao sila si Atty. Demosthenes Plando, Atty ug karon Judge Aldohne Umpa, Atty. Leo Zaragoza, Atty. Romero Pacilan ug kining inyong alagad, usa ka CPA nga ang kanhi Ludabi National President nga si Roy Trinidad, ang Civic Leader nga si Betsy Uy Tamula, ang Peasant Leader nga si Edna Yorong, ug ang kompositor nga si Cesar Padilla. Pagkakaron bisan walay pundo nga nakuha gikan sa bisan asang institusyon sa gawas sa nasod, kaluoy sa Ginoo, nagpadayon ug midaghan na ang mga kasingkasing nga natukbil sa mensahe sa hustisya nga padayong gipaningkamotana pagsabwag sa Call for Justice matag adlaw. Diha sa pagtuo nga ang tinuod nga hustisya naa magsugod sa tagsatagsa nato ka kasingkasing. Nga ang tinuod nga hustisya magsugod diha sa igong kahimatngon sa atong mga katungod ug katungdanan sa balaod nga maoy maghatag nato ug igong katakos sa pagbarog ning maong mga katungod, paghimo sa atong mga katungdanan ingon man sa pagtahod ug pagpanalipod sa katungod sa uban.
Sa maong paagi nga kamo sa Call for Justice nagtuo nga mahimong mas maanindot nga puy-an ang atong kalibotan.
Legal Information
Pangutana: Nganong gidid-an man ang mga abogado pagpanglaban sa mga kaso nga ubos sa Small Claims Procedure?Tubag: Kini gituyo sa tumong nga dili malangan ug makomplikar ang husay sa kaso. Ang small claims man god nga naglambigit sa mga kaso sa balayronon nga dili molapas ug usa ka gatos ka libo ka peso kinahanglang humanon dayon, ug tungod niini kinahanglang yano ug dali ang paagi sa husay. Ang pagsulod sa mga abogado lagmit makalangan tungod kay diha na man magsugod ang panagdebate bisan sa gagmayng mga isyu sa kaso nga dili na gyod unta angay lalisan.
No comments:
Post a Comment